Притча о составлении человеческого сущего естества

Человек бо некий рече притчю сию сице. Некогда прилучися совокупистася утроба со всеми уды телесными. И досажаху чреву и глаголаша очима: «Сотворим руне и нозе ходити и делати».

Язык же и устне рекошя: «Елико мыслит сердце мы провещеваем сия». Уши же решя: «Елико беседуют нами человецы вси, услышав же ум и внимает вся». Руце же решя: «Нами делает человек пищу свою».

Нозе же рекоша: «Мы трудимся, носим на себе все тело и всем удовом гиблющимся. Ты же чрево ничто же делаеши, и несть нам ползы от тебе никоея же ни во единой вещи, но работаем вси тебе, яко же госпожи своей царицы». Отвещаше же чрево ко всем удовом своим и рече: «Елико глаголите истину рекосте; и аще годе вам есть, то не служите ми и не питайте мене».

Оудове же уставишя чрево оставите и не питати е. И сице не дающим удовом чреву ясти.

И изнемогошя руце и Нозе, и вси удове ослабешя веема, и бышя безделны и недвижимы. И тогда уведавше удове, яко же снедает чрево, то всем им есть на ползу и крепость.

Толкование. И от сея повести притча, уведавше вси людие, яко имение богатых на ползу суть нищим: аще бо множится имение богатых, не озлобляются нищий гладом; и аще бо богатии не имеют ничто же у себе, то во время нужды не могут нищим помощи сотворити, и хотят вси погибнути гладом и жаждею.  К тому бо есть притча сия.